يا جماعة الناس كترت كلام في درس موازنة المعادلات الكيميائية
بس في الحقيقة هو درس سهل جدا
خلونا ناخد مثال: طبعا هيجي يقولك بالعربي
اكتب المعادلات التالية بالرموز والصيغ ثم وازنها:
انا مش هاعرف اكتب سهم بس إذا لاقيت ---) اعرف أن القوس من اليمين للشمال والعكس
كلور+هيدروجين ---) كلوريد الهيدروجين
لازم تعرف ان الفلزات أحادية الذرة مثل(AL.NA.K..وانت ماشي ) والغازات آكثرها ثنائية الذرة(O2.H2.CI2)
نبدأ نشتغل:
لازم نكتب بالإنجليزي يعني من الشمال لليمين ....أظن دي مفهومة
CI2+H2---)HCI
بس أنا عارف أن في واحد هيقولي ازاي جبنا HCI
طبعا بالطريقة دي :
اللا فلز يمين الفلزشمال H CI
التكافؤ التكافؤ -١ +١
نبادل التكافؤات ١ ١
نكتب الصيغة النهائية HCI
اتفهمت أكيد --------------------------------------- هتلاقي التكافؤات بتاعت أهم العناصر ص ١٠٣.١٠٤
بس لو بصيت للمعادلة:
CI2+H2---)HCI
هتلاقيها غير متاوزنة يعني لوعديت ذرات الهيدروجين في الشمال هتلاقيها ٢وفي اليمين هتلاقيها ١فعشان كده لازم توازن يعني أنا لوضربت اليمين في ٢ هتتوازن يعني كده :
CI2+H2---)2HCI
عد كده بقا هتلاقيها متوازنة
لو كنت فهمت حل بقا آي سؤال يقع تحت إيدك واعرف دايما ان مفيش حاجة بتيجي بالساهل المعادلة بتقول :
أنا عايز أوصل يبقا لازم أتعب
أي حاجة متفهماش اكتبها في الرد
------------------------------------------------------------------------مع السلامة